Rəqəmsal Marketinq Nədir?

Rəqəmsal marketinq internet və rəqəmsal texnologiyalar vasitəsilə məhsul və xidmətlərin tanıdılması və satışının stimullaşdırılmasını təmin edən marketinq növüdür. Bu marketinq üsulu sosial media, e-poçt marketinqi, axtarış motoru optimallaşdırması (SEO), influencer marketinqi və məzmun marketinqi kimi müxtəlif kanallardan istifadə etməklə hədəf auditoriyaya çatmağa imkan verir.

 Rəqəmsal marketinq ənənəvi marketinqdən fərqli olaraq daha ölçülə bilən, hədəf yönümlü və fərdiləşdirilə bilən nəticələr təqdim edir. Müəssisələr rəqəmsal marketinq strategiyalarını istifadə edərək müştəri davranışlarını analiz edə, bazar trendlərini izləyə və daha effektiv kampaniyalar həyata keçirə bilərlər. İnternetin qlobal miqyasda geniş yayılması rəqəmsal marketinqin əhəmiyyətini artıraraq onun istənilən ölçülü biznes üçün əlçatan olmasını təmin edib. Rəqəmsal marketinq şirkətlərə potensial müştərilərlə daha interaktiv və iki tərəfli ünsiyyət qurmaq imkanı yaradır. Bu üsul müştəri loyallığını artırmaq, brend tanınmasını gücləndirmək və satışları artırmaq üçün güclü bir alət kimi çıxış edir. Rəqəmsal marketinqdə real vaxt analitikası və avtomatlaşdırma sistemləri vasitəsilə kampaniyaların uğuru ölçülə bilər. Müasir dövrdə rəqəmsal marketinq sürətlə inkişaf edir və bizneslər üçün rəqabət üstünlüyü qazanmaqda vacib bir strategiyaya çevrilir. Şirkətlər rəqəmsal marketinq vasitəsilə daha geniş auditoriyaya çataraq bazar mövqelərini möhkəmləndirə bilərlər.

Rəqəmsal marketinqin əhəmiyyəti 

Rəqəmsal marketinq müasir bizneslər üçün uğurun vacib şərtlərindən biridir. İnternet istifadəsinin artması ilə birlikdə istehlakçıların alış-veriş vərdişləri də dəyişmişdir. İnsanlar məhsul və xidmətlər haqqında məlumat almaq, qiymətləri müqayisə etmək və alış etmək üçün əsasən onlayn platformalara yönəlir. Rəqəmsal marketinq hədəf auditoriyaya daha sürətli və effektiv şəkildə çatmaq, marka tanınmasını artırmaq və müştəri ilə interaktiv əlaqə qurmaq imkanı yaradır. Axtarış sistemləri optimallaşdırması (SEO), sosial media marketinqi və məzmun marketinqi kimi vasitələr sayəsində brendlər öz auditoriyalarına daha yaxın ola və onları daim yeniliklərdən xəbərdar edə bilərlər. Bundan əlavə, rəqəmsal marketinq ölçülə bilən və hədəflənə bilən reklam imkanları təqdim edərək, şirkətlərin daha effektiv marketinq strategiyaları qurmasına kömək edir. Rəqəmsal dünyada güclü mövqeyə sahib olmaq üçün şirkətlər bu marketinq üsullarını düzgün şəkildə tətbiq etməli və daim yenilənən trendləri izləməlidirlər.

Rəqəmsal marketinqin üstünlükləri nələrdir?

Rəqəmsal marketinq ənənəvi marketinq üsulları ilə müqayisədə daha effektiv və ölçülə bilən nəticələr təqdim edir. Bu üsul hədəf auditoriyanı daha dəqiq müəyyən etməyə, interaktiv ünsiyyət qurmağa və daha aşağı xərclərlə geniş auditoriyaya çatmağa imkan verir. Rəqəmsal marketinqin üstünlükləri arasında real vaxt analitikası, fərdiləşdirilmiş reklam imkanları və geniş platforma seçimi kimi faktorlar yer alır. Şirkətlər bu imkanlardan istifadə edərək müştəri məmnuniyyətini artırmaq və brend tanınmasını gücləndirmək üçün daha effektiv strategiyalar qura bilərlər.

Az büdcə ilə geniş bir müştəri kütləsinə çatmaq:

Rəqəmsal marketinq internet axtarış sistemləri, sosial media kanalları, bloqlar və e-poçtlar vasitəsilə həyata keçirilir. Buna görə də bu rəqəmsal platformalarda onlayn reklamlar vermək lazımdır. Doğru rəqəmsal marketinq strategiyası büdcənizin ən yaxşı dostudur və çox kiçik xərclərlə geniş bir müştəri kütləsinə çatmaq rəqəmsal marketinqin ən vacib üstünlüklərindən biridir. Rəqəmsal marketinq vasitəsilə verilən reklamlar, ənənəvi marketinqdə reklam üçün xərclənən büdcədən daha az olur və çox sayda internet istifadəçisinə çatılmasına şərait yaranır.

Düzgün hədəf auditoriyasına çatmaq:

Hər məhsulun alıcı kütləsi fərqlidir və reklamları düzgün müştərilərə çatdırmaq satış etməyə kömək edir. Rəqəmsal marketinq ilə reklamları yaş, cinsiyyət və ölkələrə görə filtrələyərək məhsulların düzgün müştəri kütləsinə çatmasını təmin etmək mümkündür. Əgər müştəri kütləsinin kim olduğu dəqiq deyilsə, marka üçün yaratdılan sosial media hesabları və Google Ads həmin marka ilə kimlərin maraqlandığının hesabatını ətraflı şəkildə verəcəkdir. İnternet saytları, bloqlar və sosial media hesabları artıq tək toxunuşla paylaşımlarınızın izlənmə, oxunma və kliklənmə saylarını təqdim edir. Effektiv bir rəqəmsal marketinq ilə düzgün müştəriyə çatmaq daha asandır.

Müştəri geri dönüşləri ilə səhvləri tez bir zamanda düzəltmək:

Rəqəmsal marketinq vasitəsilə verilən reklamlar müştəri kütləsindən sürətli geri dönüşlər ala bilir. Strateji bir səhv baş verdikdə, bunu müəyyən etmək asan olur və tez bir zamanda düzəliş etmək mümkün olur. Ənənəvi marketinqdə, televiziya yayımı zamanı göstərilən bir reklam müştərilər tərəfindən bəyənilmədikdə, onu düzəltmək daha çətindir. Ancaq rəqəmsal mühitdə istifadəçilərin reaksiyalarına operativ cavab verərək marketinq strategiyasını müştəri məmnuniyyəti istiqamətində tənzimləmək mümkündür.

Zaman və məkan məhdudiyyəti olmadan satış etmək:

Rəqəmsal mühitdə fəaliyyət göstərən bir brendin iş saatlarına bağlı olması tələb olunmur. Gecə saatlarında belə sifarişlər qəbul edilə bilər. Reklamlar saat fərqi olmadan geniş auditoriyaya çatır və müştərilər sadəcə təqdim edilən link vasitəsilə məhsulları tez bir zamanda araşdıra bilirlər. Bu çeviklik rəqəmsal marketinqin ən mühüm üstünlüklərindən biri hesab edilir.

Müştəri etimadını qazanmaq və gücləndirmək:

Rəqəmsal marketinqin çevikliyi və operativliyi fərqli müştəri profillərinə uyğun müxtəlif strategiyaların tətbiqinə imkan yaradır. Müxtəlif auditoriyalara xitab edən məzmunlar hazırlanaraq eyni məhsul fərqli aspektlərdən təqdim edilə bilir. Məsələn, uzaqdan idarə olunan bir maşın həm uşağı üçün hədiyyə axtaran valideynlərə, həm də kolleksiyaçı yetkinlərə uyğun şəkildə bazara çıxarıla bilər. Bundan əlavə, mesajlar, e-poçtlar və şərhlər vasitəsilə müştərilərlə əlaqə saxlamaq imkanı yarandıqda, onların suallarına operativ cavab vermək və alış-veriş prosesini daha güvənli hala gətirmək mümkündür. Müştərinin şirkətlə sürətli və effektiv ünsiyyət qurması brendə olan etimadın və sadiqliyin artmasına səbəb olur.

Rəqəmsal marketinq harda tətbiq olunur?

İnternetə çıxışı olan bütün platformalarda rəqəmsal marketinq üsulları tətbiq edilə bilər. Rəqəmsal marketinqin tətbiq oluna biləcəyi yerlər aşağıdakılardır:

• İnternet saytları,
• Bloq səhifələri,
• Sosial media platformaları,
• Onlayn kataloqlar,
• Onlayn PR fəaliyyətləri,
• İnfoqrafiklər,
• Qarşılıqlı əlaqə vasitələri.

İnsanların internet vasitəsilə rəqəmsal olaraq çıxış edə bildiyi bütün sahələr bu gün rəqəmsal marketinqin tətbiq oluna biləcəyi sahələr kimi istifadə edilir. Şirkətlər marketinq strategiyalarını hazırlayarkən bu sahələri ən effektiv şəkildə istifadə etməyi hədəfləyirlər. Tanıtımı planlaşdırılan məhsula ehtiyacı olan hədəf auditoriyanın yerləşdiyi rəqəmsal platformalar bir-birindən fərqli ola bilər. Hədəf auditoriyanın ən çox istifadə etdiyi və asan qarşılıqlı əlaqə qura bildiyi platformalar marketinq sahələri kimi seçilməlidir.

Rəqəmsal marketinqin növləri hasnılardır?

İnternet mühitində satış edə bilmək üçün sahəyə və məhsul növünə uyğun marketinq üsulu seçilərək tətbiq oluna bilər. Şirkətlərə böyük faydalar verən rəqəmsal marketinq növləri aşağıdakılardır:

• Axtarış sistemi optimizasiyası (SEO),
• Məzmun marketinqi,
• E-poçt marketinqi,
• Sosial media marketinqi,
• Affiliate marketinq,
• İnfluencer marketinqi,
• Yenidən marketinq (remarketinq),
• Mobil marketinq,
• Viral marketinq.

Məhsul marketinqi çox vacibdir və şirkətlərin doğru üsulları tətbiq etməsi tələb olunur. Rəqəmsal marketinqdə təqdim olunan üsullar, şirkətin strukturuna, məhsul növünə, hədəf auditoriyasının xüsusiyyətlərinə və yerləşdiyi regiona görə dəyişir.

Axtarış Sistemi Optimizasiyası (SEO)

Axtarış sistemi optimizasiyası (SEO), orqanik axtarış sistemi nəticələri ilə internet saytına gələn trafik miqdarını və keyfiyyətini artırmaq üçün tətbiq edilən üsuldur. Google və digər axtarış sistemlərində səhifənin yuxarı hissəsində ödənişli reklamlar, daha sonra isə normal nəticələr göstərilir. Məsələn, Google SEO vasitəsilə əldə edilən trafiki ödənişli axtarış yolu ilə gələn trafiktən ayırmaq üçün adətən "orqanik axtarış trafiki" termini istifadə olunur. Ödənişli axtarış isə ümumiyyətlə axtarış sistemi marketinqi (SEM) və ya klik başına ödəniş (pay per click – PPC) kimi adlandırılır.

Məzmun Marketinqi

Məzmun marketinqi həqiqətən bir auditoriya yaratmaq və potensial müştəriləri cəlb etmək üçün hazırlanan istənilən məzmun deməkdir və bu, sosial media paylaşımları, SEO-ya uyğun məqalələr, videolar, podkastlar və digər formatlarda ola bilər. Ümumiyyətlə məqsəd orqanik veb sayt trafiyini artırmaq, satışları yüksəltmək və nəticə olaraq satış komandasının daha çox razılaşmanı daha sürətli bağlamasını təmin etmək üçün məzmunun yayımlanmasını təmin etməkdir.

Rəqəmsal marketinq mütəxəssisləri məzmun marketinqi prosesində məhsul satışından daha çox müştəri etibarını qazanmağa diqqət yetirirlər. Məzmun marketinqi, maddi qazanc əldə etməkdən çox etibar əlaqəsinin qurulmasını hər zaman ön planda tutur.

Bu marketinq üsulunun əsas məqsədi hədəf auditoriyanın marağını çəkmək, məhsul və brendi tanıtmaq, etibar qazanmaq və son mərhələdə satış prosesini həyata keçirməkdir. Hər bir şirkət mövcud müştərilərini qorumaq və yeni müştərilər cəlb etmək üçün məzmun marketinqinə önəm verir.

Sosial Media Marketinqi 

Sosial media strategiyası, sosial mediada həyata keçirməyi planlaşdırdığınız və nail olmağı ümid etdiyiniz hər şeyin xülasəsidir. Bu strategiya fəaliyyətlərinizə istiqamət verir və uğurlu olub-olmadığınızı anlamağa kömək edir. Sosial media marketinqi, biznesinizi və məhsullarınızı Facebook, Instagram, LinkedIn və Twitter kimi müxtəlif sosial media platformalarında tanıtmaq üçün məzmun yaratmaq prosesidir. Satışları və brend tanınmasını artırmağa kömək etmək üçün sosial media marketinqindən istifadə edilə bilər.

E-poçt Marketinqi

E-poçt marketinqi sosial media, SEO və affiliate marketinqini geridə qoyaraq hələ də ən effektiv marketinq kanallarından biri kimi sıralanır. E-poçt vasitəsilə marketinq, biznesinizin məhsul və ya xidmətlərini tanıtmaq üçün e-poçtdan istifadə edən güclü bir marketinq kanalıdır və birbaşa marketinqin və rəqəmsal marketinqin bir formasıdır. Bu marketinq texnikası, hədəf auditoriyanızla əlaqə qurmağa kömək etməklə yanaşı, bloqunuz, sosial media hesablarınız və ya insanların ziyarət etməsini istədiyiniz digər platformalara trafik cəlb etməyə də kömək edir.

Affiliate marketinq 

Affiliate marketinq və ya partnyor marketinqi məhsul və ya xidmətlərin üçüncü tərəf şəxslər və ya platformalar vasitəsilə tanıdılaraq satışdan komissiya qazandıqları bir marketinq üsuludur. Bu modeldə şirkətlər, məhsullarını təşviq edən tərəfdaşlara hər uğurlu satış və ya yönləndirmə üçün müəyyən bir faiz ödəyir. Partnyor marketinqi bloglar, sosial media platformaları, veb saytlar və e-poçt marketinqi vasitəsilə həyata keçirilə bilər. Bu üsul həm şirkətlər, həm də partnyorlar üçün qarşılıqlı fayda yaradır, çünki şirkətlər daha geniş auditoriyaya çatır, partnyorlar isə qazanc əldə edir. Rəqəmsal marketinqin bir hissəsi kimi, partnyor marketinqi xərcləri optimallaşdırmaq və nəticələri ölçmək baxımından effektiv bir strategiyadır.

İnfluencer marketinqi

İnfluencer marketinqi geniş izləyici kütləsinə sahib olan sosial media İnfluencerləri vasitəsilə məhsul və ya xidmətlərin tanıdılmasını nəzərdə tutan marketinq strategiyasıdır. Bu üsul şirkətlərin hədəf auditoriyasına daha səmimi və etibarlı bir şəkildə çatmasına kömək edir. İnfluencerlər vasitəsilə həyata keçirilən kampaniyalar müştəri etimadını artırır və məhsulun daha geniş yayılmasına səbəb olur. Bu marketinq növü Instagram, YouTube, TikTok və digər sosial media platformalarında aktiv şəkildə tətbiq edilir. Brendlər influencer marketinqindən istifadə edərək daha çox müştəri cəlb edə və satışlarını artıra bilərlər.

Mobil marketinq 

Mobil marketinq, mobil cihazlar vasitəsilə məhsul və xidmətlərin tanıdılmasına yönəlmiş rəqəmsal marketinq strategiyasıdır. Bu marketinq növü SMS və MMS mesajları, mobil tətbiq reklamları, push bildirişlər və sosial media platformaları üzərindən həyata keçirilir. Mobil marketinqin əsas üstünlüklərindən biri hədəf auditoriyaya istənilən zaman və yerdə çatmaq imkanı verməsidir. Şirkətlər bu üsuldan istifadə edərək müştəri loyallığını artırmaq, fərdi kampaniyalar təklif etmək və satışlarını yüksəltmək imkanı əldə edirlər. Mobil texnologiyaların sürətlə inkişaf etməsi bu marketinq növünü daha da təsirli və vacib hala gətirir.

Viral marketinq

Viral marketinq insanların könüllü şəkildə paylaşmaq istədiyi maraqlı və təsirli məzmunlar yaradaraq brendin və ya məhsulun geniş auditoriyaya yayılmasını təmin edən marketinq strategiyasıdır. Bu üsul sosial media platformaları, videolar və kreativ kampaniyalar vasitəsilə sürətlə yayılaraq brend tanınmasını artırır. Effektiv viral marketinq kampaniyaları hədəf auditoriyanın emosiyalarına toxunan, əyləncəli və ya düşündürücü məzmunlardan ibarət olur. Şirkətlər viral marketinqdən istifadə edərək az büdcə ilə böyük nəticələr əldə edə və potensial müştərilərin brend haqqında məlumatlılığını artıra bilərlər. Bu strategiya düzgün planlaşdırıldıqda, məhsul və xidmətlərin qlobal səviyyədə tanınmasına kömək edir.

Ənənəvi Marketinqlə rəqəmsal marketinq arasındaki fərqlər hansılardır?

Hər keçən gün rəqəmsal marketinq ənənəvi marketinqə nisbətən daha populyar hala gəlir. Xərclərdən tutmuş digər texniki üsullara qədər geniş bir çərçivədə rəqəmsal və ənənəvi marketinqin bir-birindən çox fərqli metodlara üstünlük verdiyini görürük. Ənənəvi marketinqlə rəqəmsal marketinq arasındaki əsas fərqlər aşağıdakılardır:

Büdcə

Ənənəvi marketinq daha çox yazılı və vizual media vasitəsilə tanıtıma üstünlük verir. Lakin bunun üçün yüksək büdcə tələb olunur, çünki reklam verilən media vasitələri populyardır və reklam xərcləri yüksəkdir. Digər tərəfdən, rəqəmsal marketinqdə reklam xərcləri xeyli azdır və hətta ödəniş etmədən də tanıtım aparmaq mümkündür. Buna görə də, kiçik bizneslər rəqəmsal mühitdə daha az büdcə ilə daha effektiv nəticələr əldə edə bilərlər.

Ünsiyyət forması

Ənənəvi marketinqdə tək yönlü ünsiyyət mövcuddur və bu, satıcıdan alıcıya yönəlmiş ünsiyyətdir. Satıcının yazılı və vizual mediada yayımlanan reklamı alıcı tərəfindən izlənilir və ya dinlənilir. Bu proses həm hədəf auditoriyanı, həm də hədəf auditoriyadan kənar insanları əhatə edir. Bu da satıcının istədiyi reklam dönüşümünü əldə edə bilməməsinə səbəb ola bilər. Rəqəmsal marketinq isə tək yönlü ünsiyyət əvəzinə iki yönlü ünsiyyəti, geniş kütləyə xitab etmək əvəzinə hədəf auditoriyaya çatmağı üstün tutur. Reklamlar hədəf auditoriyaya təqdim olunmağa çalışılır və reklamı izləyən və ya görən müştərilər sual verə, şərh yaza bilərlər. Satıcı isə bu suallara və rəylərə cavab verərək müştəri ilə qarşılıqlı əlaqəyə girir və iki yönlü ünsiyyət qurulur.

Kampaniya müddəti

Ənənəvi marketinqdə kampaniyanın hazırlanma müddəti daha uzun olur. Kampaniyada ediləcək hər hansı bir dəyişiklik bütün proseslərin yenidən yaradılması demək olduğundan, səhv ehtimalı çox aşağıdır. Lakin rəqəmsal marketinqdə kampaniya müddəti çox qısadır və istənilən dəyişiklik qısa zamanda bütün prosesə təsir etmədən həyata keçirilə bilər.

Hədəf auditoriyaya çatmaq

Ənənəvi marketinq üsulları ilə hədəf auditoriyaya çatmaq və tanıtım aparmaq çox çətin və uzun müddət tələb edir. Bu da prosesin xərclərinin artmasına səbəb olur. Məktub və telefon kimi vasitələrlə müştəriyə çatmaq mümkündür, lakin çox az insana çatmaq üçün çox vaxt tələb olunur. Rəqəmsal marketinq isə bunun əksinə, milyonlarla insana tək toxunuşla çatmağa imkan verir. Eyni anda çox sayda müştəri ilə ünsiyyət qurmaq daha asan olur.

Zaman

Ənənəvi marketinq fəaliyyətləri yalnız iş saatları ərzində həyata keçirilir, lakin rəqəmsal marketinq internet bağlantısı olduğu istənilən zaman və yerdən idarə oluna bilər. Bu sayədə, həftənin yeddi günü, günün iyirmi dörd saatı potensial müştərilərə çatmaq imkanı əldə edilir.

Ölçülə bilmə

Rəqəmsal marketinq və ənənəvi marketinq arasındakı əsas fərqlərdən biri rəqəmsal marketinqdəki ölçülə bilənlikdir. Ənənəvi marketinqdə reklamların nə qədər insana çatdığını və nə dərəcədə effektiv olduğunu dəqiq müəyyən etmək çətindir. Məsələn, qəzetdə və ya billboardda yerləşdirilən bir reklamı neçə nəfərin gördüyünü və onun satışa necə təsir etdiyini ölçmək mümkün olmur. Televiziya və radio reklamlarında da yalnız təxmini auditoriya məlumatları əldə edilə bilər. Rəqəmsal marketinq isə analitik vasitələr və izləmə texnologiyaları sayəsində reklamların baxış sayını, kliklənmə faizini və dönüşüm dərəcəsini real vaxtda ölçməyə imkan verir. Google Analytics, Facebook Ads və digər platformalar vasitəsilə reklamların effektivliyi tam şəkildə izlənilə və analiz edilə bilər. Bu, bizneslərə marketinq strategiyalarını optimallaşdırmağa və daha dəqiq hədəfləmə aparmağa kömək edir.

Rəqəmsal marketinq strategiyası

Rəqəmsal marketinq strategiyası, bir şirkətin məhsul və xidmətlərini internet üzərindən tanıtmaq və satışlarını artırmaq üçün istifadə etdiyi planlı fəaliyyətlər toplusudur. Bu strategiya düzgün müəyyən edildikdə, hədəf auditoriyaya daha effektiv şəkildə çatmaq və rəqəmsal platformalarda brendin tanınmasını artırmaq mümkün olur. Rəqəmsal marketinq strategiyasının əsas məqsədi müştəri bazasını genişləndirmək, satışları artırmaq və uzunmüddətli müştəri əlaqələri qurmaqdır. Bunun üçün sosial media marketinqi, e-poçt marketinqi, axtarış sistemi optimizasiyası (SEO), influencer marketinqi və məzmun marketinqi kimi müxtəlif üsullardan istifadə edilir.

Effektiv bir rəqəmsal marketinq strategiyası yaratmaq üçün öncə hədəf auditoriyanı müəyyənləşdirmək vacibdir. Müştərilərin ehtiyaclarını, maraqlarını və onlayn davranışlarını anlamaq strategiyanın uğurlu olması üçün əsas faktordur. Daha sonra, uyğun rəqəmsal kanallar seçilməli və məzmun planı hazırlanmalıdır. Keyfiyyətli və cəlbedici məzmunlar hazırlamaq, sosial media və veb sayt üzərindən interaktiv ünsiyyət qurmaq vacibdir. Bundan əlavə, rəqəmsal reklamlar və analitik alətlər vasitəsilə marketinq fəaliyyətlərinin effektivliyi ölçülməli və daim optimallaşdırılmalıdır.

Rəqəmsal marketinq strategiyası çevik və dəyişən bazar şərtlərinə uyğun olmalıdır. Trendləri izləmək, yeni texnologiyalardan istifadə etmək və müştəri davranışlarını təhlil edərək strategiyanı daim təkmilləşdirmək uğurun açarıdır. Şirkətlər düzgün planlaşdırılmış rəqəmsal marketinq strategiyası ilə rəqabət üstünlüyü əldə edə və müştəri bazasını genişləndirə bilərlər.