E-mail Marketinq Nədir?

E-mail marketinq müəyyən bir e-mail siyahısında yer alan insanlara toplu e-poçt göndərməklə onlara çatmaq deməkdir. Poçt sistemi adətən müəyyən bir xidmətlə maraqlanan, kampaniyalardan/yeni məhsullardan və ya yeniliklərdən xəbərdar olmaq istəyən insanlara məlumat vermək üçün istifadə olunur. Bu sistem vasitəsilə hədəf auditoriyanı saytınıza cəlb edərək onlara satış etmək e-poçtu gəlir mənbəyinə çevirmək e-mail marketinq (poçt) kimi tanınır.

E-mail marketinq niyə vacibdir?

Araşdırmalara görə, 100 nəfərdən 35-i e-mail hesablarını hər gün müntəzəm olaraq yoxlayır. Bu da e-poçt marketinqinin markanın məhsullarının satışına təsir edə biləcəyini göstərir. E-poçt vasitəsilə marketinq vacibdir. Onun nə üçün önəmli olduğunu aşağıdakı kimi sıralaya bilərik:

• Hədəf auditoriyaya çatma ehtimalı artır. Tam zəmanətli bir üsul olmasa da, göndərilən e-poçtların açılma ehtimalı var.
• Bizneslər üçün əvəzolunmaz bir yol olmalıdır. Araşdırmalara görə, aparıcı marketoloqların 74%-i hədəf müştərilərinə çatmaq üçün e-poçt marketinq metodundan istifadə edir.
• E-mail marketinq yüksək gəlir gətirir. Çünki e-mail marketinq ən aşağı xərcli marketinq üsuludur. Həm hədəf auditoriyaya çatmaq daha asan, həm də xərci daha azdır.

E-mail marketinqin üstünlükləri və çatışmazlıqları nələrdir? 

Marketinq üsulları hədəflənmiş auditoriyaya görə dəyişə bilər. Bunu yalnız analiz edərək başa düşmək mümkündür. E-mail marketinq üsulunun üstünlüklərini aşağıdakı kimi sıralaya bilərik:

• E-poçt siyahısı istifadəçinin icazəsi ilə formalaşır. İstifadəçinin razılığı ilə qurulan bu üsul daha çox abunənin cəlb olunmasına kömək edə bilər.
• Müştərilərə uyğun dizaynlar tətbiq etmək mümkündür.
• Göndərilən mesaj birbaşa hədəf auditoriyaya çatır.
• E-mail şablonunda çağırış düymələri (CTA) istifadə edərək vebsaytınıza olan trafiki artıra bilərsiniz.
• E-poçt marketinqinin xərcləri digər marketinq üsullarına nisbətən daha aşağıdır.
• Asanlıqla A/B testi tətbiq edilə bilər. Bu da hədəf auditoriyaya daha effektiv və dəqiq çatmağa imkan yaradır.

E-poçt marketinqinin üstünlükləri olduğu kimi müəyyən mənfi cəhətləri də mövcuddur. Bunlara aşağıdakılar daxildir: 

• Göndərilən e-maillər spam qutusuna düşə bilər. E-maillər filtr edilə bilər. Buna görə də mətnin tərkibində spam kimi qəbul edilən açar sözlərdən istifadə edilməməlidir.
• Əgər göndərilən e-mail mobil, planşet və ya masaüstü formalarına uyğun deyilsə, hədəf auditoriyaya çatmaq çətinləşə bilər.
• Mail yüksək ölçülü şəkillər və ya videolar ehtiva edərsə, yüklənməsi çətinləşər və istifadəçilər göndərilən məzmuna rahat şəkildə baxa bilməzlər.

10 Addımda E-mail Marketinq Necə Edilir?

E-mail marketinq müəssisələrin müştəriləri ilə daha səmərəli və effektiv şəkildə əlaqə qurmasına imkan verən strateji bir prosesdir. Bu proses müəyyən mərhələlərdən ibarətdir və hər bir mərhələ düzgün tətbiq edildikdə, uğurlu və gəlir gətirən bir e-mail marketinq strategiyası qurmaq mümkündür. Müştərilərinizlə uzunmüddətli əlaqə yaratmaq onları məhsul və ya xidmətləriniz haqqında məlumatlandırmaq və satışları artırmaq üçün bu addımları düzgün şəkildə planlaşdırmaq vacibdir.

E-mail marketinq yalnız e-poçt göndərməkdən ibarət deyil və proses zamanı düzgün hədəf auditoriyanı müəyyənləşdirmək, məzmun strategiyasını formalaşdırmaq və kampaniyanın effektivliyini daim analiz edərək optimallaşdırmaq tələb olunur. Bu metodun uğurlu olması üçün müştərilərin maraqlarını və ehtiyaclarını nəzərə almaq, cəlbedici və dəyərli məzmun təqdim etmək vacibdir. Müəyyən edilmiş strategiyalara əməl edərək e-mail marketinq kampaniyanızı daha səmərəli və təsirli edə bilərsiniz. Aşağıda uğurlu e-mail marketinq strategiyasının qurulması üçün addımlar ətraflı şəkildə izah olunur.

1. Hədəf Auditoriyanı Müəyyən Etmək

İlk addım məhsul və ya xidmətiniz üçün ən uyğun hədəf auditoriyanı müəyyənləşdirməkdir. Bu, demoqrafik xüsusiyyətlər (yaş, cinsiyyət, yerləşmə), davranış xüsusiyyətləri (alış-veriş vərdişləri, maraq dairələri) və psixoloji faktorlar (dəyərlər, həyat tərzi) kimi meyarları nəzərə almağı əhatə edir. Hədəf auditoriyanızı təyin etmək onların ehtiyaclarını və gözləntilərini başa düşməyə və bu istiqamətdə marketinq strategiyalarınızı formalaşdırmağa kömək edir.

2. Addım: E-poçt Siyahısı Yaratmaq

Hədəf auditoriyanızı müəyyən etdikdən sonra onların e-poçt ünvanlarını toplamaq üçün müxtəlif üsullardan istifadə edə bilərsiniz. Veb saytınızdakı qeydiyyat formaları, onlayn müsabiqələr və ya endirim fürsətləri kimi stimullaşdırıcı məzmunlarla e-poçt abunəliklərini artırmaq mümkündür. Bundan əlavə, müştərilərinizlə birbaşa ünsiyyət zamanı da e-poçt ünvanlarını toplaya bilərsiniz.

3. Cəlbedici Məzmun Hazırlamaq

Abunəçilərinizi cəlb etmək və onların marağını qorumaq üçün məzmunlarınız keyfiyyətli və dəyərli olmalıdır. Bunun üçün müştərilərinizin ehtiyaclarını və maraqlarını nəzərə alaraq faydalı və aktual məlumatlar təqdim etməlisiniz. Maarifləndirici məqalələr, məhsul icmalları, ipucları və tövsiyələr kimi məzmunlarla abunəçilərinizi məlumatlandıra və alış etməyə təşviq edə bilərsiniz. Həmçinin, vizual elementlərdən istifadə edərək məzmununuzu daha cəlbedici və oxunaqlı hala gətirə bilərsiniz. Düzgün məzmun strategiyası qurduqda, e-mail marketinq kampaniyanızın uğur qazanmaq ehtimalı daha yüksək olur.

4. E-poçt Dizaynı

E-mail dizaynı abunəçilərinizin diqqətini çəkəcək və markanızı əks etdirəcək şəkildə olmalıdır. Vizual cəlbedici bir dizayn istifadəçilərin e-poçtunuzu açmasına və məzmunu oxumasına təşviq edir. Rənglər, şriftlər və qrafik elementlər brend imicinizə uyğun olmalıdır. Bundan əlavə, dizayn mobil cihazlar da daxil olmaqla bütün ekran ölçülərində düzgün görünməlidir. Uyğunlaşan (responsive) dizayn seçmək istifadəçi təcrübəsini yaxşılaşdırır və effektivliyi artırır.

5. Fərdiləşdirmə

Abunəçilərinizlə şəxsi əlaqə qurmaq üçün e-poçtlarınızı fərdiləşdirin. Onların adlarını istifadə edərək və maraq dairələrinə uyğun məzmun təqdim edərək, daha uyğun mesajlar göndərə bilərsiniz. Fərdiləşdirmə, abunəçilərinizin markanıza olan bağlılığını artırmağa kömək edə bilər. Bununla yanaşı, fərdi təkliflər və endirimlər təqdim etmək müştərilərin diqqətini daha çox cəlb edə bilər. Abunəçilər öz maraqlarına uyğun məzmun aldıqda, e-poçtlarınızı açma və onlarla qarşılıqlı əlaqə yaratma ehtimalı artır.

6. Test Prosesi

E-poçt marketinq kampaniyanızı başlatmazdan əvvəl test mərhələsindən keçmək vacibdir. Göndəriləcək e-poçtları yoxlayaraq, texniki səhvləri və vizual uyğunluq problemlərini düzəltmək mümkündür. Həmçinin, fərqli başlıqlar, məzmunlar və vizuallarla A/B testləri edərək ən təsirli strategiyaları müəyyənləşdirə bilərsiniz. E-poçtun müxtəlif cihazlarda və e-poçt platformalarında düzgün görünməsini təmin etmək üçün testlər aparmaq vacibdir. Bu mərhələ uğurla tamamlandıqda, kampaniyanız daha effektiv və peşəkar görünəcək.

7. Göndərilmə Vaxtının Seçilməsi

E-poçtları hədəf auditoriyanızın poçtlarını ən çox yoxladığı vaxtlarda göndərmək vacibdir. Ümumiyyətlə, səhər saatları və həftəiçi günlərinin daha effektiv olduğu məlumdur. Lakin auditoriyanızın vərdişlərini və seçimlərini nəzərə alaraq, ən uyğun göndərilmə vaxtını təyin etməlisiniz. Bunun üçün testlər apararaq, e-poçtların ən çox açıldığı və qarşılıqlı əlaqə yaradıldığı saatları müəyyən edə bilərsiniz. Düzgün zamanlama e-poçt marketinq kampaniyanızın uğurunu artırmağa və daha çox müştəri cəlb etməyə kömək edəcək.

8. Analiz və Optimizasiya

Göndərilmiş e-poçtların effektivliyini mütəmadi olaraq təhlil etmək və inkişaf etdirmək vacibdir. Açılma faizləri, klikləmə faizləri və geri dönüş nisbətləri kimi göstəriciləri izləyərək hansı strategiyaların daha uğurlu olduğunu müəyyən edə bilərsiniz. Bu göstəricilər e-poçt kampaniyanızın hədəf auditoriya üzərində nə dərəcədə təsirli olduğunu anlamağa kömək edir. Toplanan məlumatlardan istifadə edərək məzmunu, dizaynı və göndərilmə vaxtını optimallaşdıra bilərsiniz. Düzgün analiz və optimizasiya sayəsində gələcək kampaniyalarınızı daha səmərəli və uğurlu hala gətirə bilərsiniz.

E-poçt Marketinqində Hansı Metrikləri İzlənilməlidir?

E-poçt marketinqində uğurunuzu ölçmək və kampaniyalarınızı təkmilləşdirmək üçün izləməli olduğunuz əsas metriklər bunlardır:

• Çatdırılma Faizi: E-poçtlarınızın abunəçilərin gələn qutusuna çatıb-çatmadığını ölçür.
• Açılma Faizi (Open Rate): Göndərdiyiniz e-poçtların neçə faizinin açıldığını göstərir və mövzu sətrinizin nə qədər cəlbedici olduğunu əks etdirir.
• Kliklənmə Faizi (Click-Through Rate – CTR): E-poçtunuzdakı linklərə edilən kliklərin faizini ölçür və məzmununuzun alıcılara nə dərəcədə təsir etdiyini göstərir.
• Açılan E-poçtlarda Kliklənmə Faizi (Click-to-Open Rate – CTOR): Açılmış e-poçtların içindəki linklərə tıklanma faizini göstərir və e-poçt məzmununuzun effektivliyini ölçür.
• Geri Dönüş Faizi (Conversion Rate): E-poçt kampaniyanızın nəticəsində neçə satış və ya istənilən hərəkət baş verdiyini göstərir.
• Abunəlikdən Çıxma Faizi (Unsubscribe Rate): Abunəçilərinizin e-poçt siyahısından nə qədər tez-tez çıxdığını göstərir və məzmununuzun nə qədər əlaqəli olduğunu qiymətləndirir.
• Yeni Abunə Qazancı: Yeni abunəçilərin sayını ölçür və e-poçt siyahınızın böyümə sürətini göstərir.
• E-poçt Başına Əldə Edilən Gəlir: Göndərilən hər e-poçtun nə qədər gəlir gətirdiyini ölçür.

Bu metrikləri mütəmadi olaraq izləməklə e-poçt marketinq strategiyanızı davamlı inkişaf etdirə və kampaniyalarınızın effektivliyini artıra bilərsiniz.

E-poçt marketinqi davam edən təşəbbüslər, yeni təkliflər və ya digər vacib xəbərlər haqqında əvvəlcədən müəyyən edilmiş bir alıcı siyahısına toplu e-poçtlar göndərmək deməkdir. E-poçt marketinqi ənənəvi reklam növləri ilə müqayisədə xərc, səmərəlilik və hədəf auditoriyaya birbaşa çatmaq baxımından bir sıra üstünlüklər təqdim edir.